Idrett - Bistand - Afrika
Oppdatert: 02.02.2011 16:56
Her kommer fortsettelsen fra Kenyaturen vår...
Og i morgen kan du lese om turen til Mt. Kenya på 4985 moh!
Dag 4
Me var komne til den tredje dagen vår i Kenya, og denne morgonen
blei finkleda tatt på. Kyrkjebesøk i slummen stod blant anna på
programmet, og det var litt av ein gudsteneste me vart vitne til.
Imponerande var det å sjå ei dansegruppe med ungar heilt ned i 3-4
års alderen framføre eit heilt forrykande danseinnslag med rytmer
nordmenn berre kan drøyme om. Etterkvart vart det også klart for
dei stive og urytmiske nordmennene på scena. Her framførde me tri
songar, kanskje med varierande hell etter manges meining. Då
gudstenesten vart avslutta, blei me invitert på lunsj hos den svært
gjestfrie presten i menigheten. Chapati (ein afrikansk variant av
pannekake, som me blei godt kjende med) blei servert saman med
geitekjøt, viss me gjetta riktig. Før me retta kursen mot ein ny
barneheim, gjorde gåturen gjennom slummen sterke inntrykk på
einkvar av oss. Det er verkeleg noko heilt anna å sjå det med eigne
auge, enn å ha sett det på tv. Deretter gjekk turen til ein
barneheim for funskjons og psykisk utviklingshemma born. Dette var
nok ein nok ein sterk oppleving for klassa, og mange satt igjen med
litt blanda kjensler etter dette besøket.
Dag 5
Denne dagen veit eg at mange av oss ser på som eit av dei store
høgdepunkta på turen. Kva me skulle denne dagen, var lenge eit
stort mysterium. Men da me endeleg klarte å lure ut av
Martin(guiden vår) at me skulle tilbringe dagen ved eit
symjebasseng, blei me yre av begeistring. Då me låg ved bassenget,
nøyt sola med ein iskald cola til 1,50 norske kroner var me alle
samstemte om at; nå kunne me ikkje hatt det betre. Verken 20 - i
Valdres, eller skikjøring i alpane frista nevneverdig. Og då me
ikkje trudde dagen kunne bli betre, skulle det vise seg at denne
dagen skulle by på enda fleire høgdepunkt. Turen gjekk til den
betre delen av Nairobi, og til ein heilt annleis barneheim enn
gårsdagens. Huset var av vestleg standard, og her fekk me verkeleg
oppleve at borna hadde det bra. Barneheimsbestyraren hadde ein
visjon om at var betre å gje eit godt tilbod og ein god heim til få
ungar, istadenfor å samle alt for mange ungar på ein alt for liten
plass.
Dag 6
Etter ein nær døden oppleving i matatuen(minibuss), var me
framme ved nok ein barneheim i utkanten av Nairobi. Også denne gav
eit heilt annleis inntrykk enn dei tri foregåande. I motsetning til
gårsdagen var denne statleg drivne barneheimen overfylt av born ,
95 i talet. Ein kunne merke at desse ungane ikkje blei gitt den
omsorgen me såg blei gitt dagen før. Her blei heile IBA overfalt av
omsorgstrengande born med ein gong me entra bygninga.
Etter eit velsmakande pizzarestaurantbesøk og hurtigshopping på
eit kjøpesenter tok dei fleste ein roleg ettermiddag på i hagen på
Amani senteret. Medan andre la ut på sprang i høgda...
Skrevet av Gjermund